2022 жылдың 16-21 мамыр аралығында колледждің 1 курс студенттер арасында 36 сағаттық оқу-дала жиыны өткізілді. Оқу-дала жиынының мақсаты: оқушылардың АӘД пәнінен алған теориялық білімдерін іс-тәжірибе негізінде жетілдіру. Болашақ жас сарбаздарды әскер қатарына дайындау, патриоттық сезімдерін ояту, елге, жерге деген сүйіспеншілігін арттыру. Жас сарбаздардың өз іс-әрекетінің дұрыс орындалуын қадағалау, психологиялық тұрақтылықты қалыптастыру, жанындағы адамдарға көмек беруге, елжандылыққа, қырағылыққа, тапқырлыққа, қиыншылыққа төтеп беруге тәрбиелеу.
Колледжіміздің аумағында ұйымдастырылған, Оқу-дала жиындарының жоспарланған бағдарламасын өткізуге «Ұлан ұрпақ» РЕСПУБЛИКАЛЫҚ ҚОҒАМДЫҚ БІРЛЕСТІГІнің сержанттары Айдос Рустемов және Мадияр Жақсыбаевтар практикалық бағытында аса үлкен жауапкершілік танытып, көмек көрсетті.
Бұл жастардың азаматтық және әскери-тәртіптік көзқарасын қалыптастыру, ҚР Қарулы күштері қызметінің әскери қызметіне жауапкершілікпен қарауға саналы дайындығына, сондай-ақ оқу барысында алған теориялық білімдері мен іскерліктерін жетілдіру және бекіту болып табылады.
Студенттер осы жиынға қызығушылықпен қатысып, жыл бойында алған білімдерін көрсетіп шындай білді. Оқу-дала жиынында білім алушылар қаруды шашып-жинау, нысанаға тигізу, жарақат алғандарды тасымалдау, қашықтыққа граната лақтыру сынды әскери жаттығуларды жасап қана қоймай, қоян-қолтық күрес түрлерін де үйренді.
Білім алушыларға әскери қызметтің, Отан алдындағы борыштың маңыздылығы туралы түсіндірілді.
Біздің білім алушылар болашақта ұлттық мүддені ту етіп көтеріп, бабаларымыздың ұрпағы ретінде елі үшін, жері үшін жанын қиятын азамат болып өсіп, халқымызды жаңа өркениетке сай, сапалы деңгейге жеткізіп, Қазақстанның қарулы күштеріне аянбай қызмет етеді деген сенімдеміз!
Оқу-дала жиынды қорытындылай келе, «Ең үздік взвод командирі» номинациясымен ІII взвод командирі Малышев Алишер, «Үздік оқу взводы» атағына ПМЛ-110 тобы, «Пневматикалық винтовкадан оқ атудан ең үздік» атағына Эгамбердиев Мейрамбек, алғашқы медициналық көмек пен құтқару бойынша жақсы нәтиже көрсеткендері үшін Құрбанбай Құндыз, Төрехан Қасиет, Насрединқызы Махаббат және оқу-дала жиындарында жоғары көрсеткіштерге жеткен білім алушылар марапатталды. Жиын соңында әскери қызметкерлер білім алушыларға әскери билеттерін табыстады.