Мамандық таңдау – адамның жас кезінде жасаған негізгі өмірлік таңдауының бірі, өйткені ол мамандық таңдау арқылы өмір жолын таңдайды.
2024 жылғы 20-23 мамыр аралығында «WorldSkills Astana-2024» аясында Астана қаласының мектептерінің оқушылары үшін квест форматында «Мамандықтар фестивалі» өткізілді: № 65; № 67; № 80; № 18; № 40; № 41; № 58. Барлығы 400-ден астам мектеп оқушылары қамтылды. Колледждің өндірістік алаңдарында өндірістік оқу шеберлері бітірушілер топтарының жеке жобаларын, жұмыстар көрмесін, мамандықтарды сынауын, спорттық ойындарын көрсетті.
Кәсіптер фестивалінің бағдарламасы:
11.30-12.00 – қатысушыларды тіркеу
12.00-12.30 – соңғы курс студенттерінің жұмысы
12.30-13.00 – квест ойыны
13.00-13.30 – колледж ғимараттары бойынша экскурсия.
2024-2025 оқу жылында колледж мемлекеттік тапсырыс бойынша сұранысқа ие техникалық мамандықтарға 300-ден астам талапкерді қабылдауды жоспарлап отыр. Фестивальде мектеп оқушылары болашақ мамандықтарын таңдауға көмектесетін қызықты мамандықтар әлемін ашты.
