2020 жылдың 14-ақпан күні І-ІІ курс арасында «Бізбен бірге арманда!» тақырыбында КТА ойыны өтті. Ойынға 7 команда қатысты.
Жастардың асыға күтетін КТА ойынын тамашалауға келген көрермендердің де қарасы көп болды. Жеңіске жетуді мақсат еткен әрбір команда ұтымды әзіл, тапқыр сөзбен сайысты қызықты өткізіп, көрермен қошеметіне бөленді.
Тартысты ойынның қорытындысы бойынша, Лифт шаруашылығы құрамасы ЛЭ-219 тобы үздік деп танылып кубокты жеңіп алды. Ал, жүлделі І-орынды электргазбен дәнекерлеуші құрамасы ЭГД-104 тобы, ІІ- орынды лифт шаруашылығы құрамасы ЛЭ-122 тобы және ІІІ-орынды байланыс желісі құрамасы БЖЭ-145 тобы командасы иеленді. Сонымен қатар, «Үздік ойыншы» номинациясы бойынша Татыбекова Ақбота және Базарбаев Нұрдаулет жеңімпаз атанды.
Командалар алғыс хаттармен мадақтамалармен марапатталды.
