Қарттар-біздің асыл қазынамыз. «Ауылыңның маңында төбе болса, ерттеулі тұрған атпен тең. Ауылыңда ақылгөй қария болса, жазып қойған хатпен тең» деген еді біздің бабаларымыз. Иә, өткенімізді осы үлкендерсіз елестету мүмкін емес.Біздің бүгінгі нұрлы өміріміздің,алаңсыз күлкі, тәтті ұйқымыздың да бейбіт сақшысы бола білгенсамайларын қыраушалып, жүздерін уақыт әжіміторлаған данагөй қарияларымыз бен ақ жаулықты әдемі әжелеріміз емес пе?
Қарттар үйі… Бұл-қатты жүректі жібітетін, ұйықтап жатқан мейірім мен адамгершілікті оятатын орын екеніне көзіміз жетті. Қарттар үйі мұңды көздерге, сарғайған сағынышқа, ұқсас тағдырларға, өзекті өртер өкінішке толы. Осы өкінішті толтыру мақсатында, 30 маусым 2022 жылы Нұр-Сұлтан қаласы әкімдігінің «Техникалық колледжі» Нұр-Сұлтан қаласында орналасқан «Шарапат» әлеуметтік қызмет көрсету орталығында» МКҚК, «Қарттар үйіне» барып қайырымдылық концерттік бағдарлама ұйымдастырды. Қазыналы қарттарымызға сыйлықтарын сыйлап, жылы лебіздерін естіп, баталарын алып қайттық.
Қарттарымызға барынша құрмет көрсетейік.
